نتائج امتحانات 2010-د/حماد توفيق

ابشر الطلاب والخريجين ان لائحة الدراسات العليا في طريقها للاعتماد بعد اجراء بعض التعديلات عليها
سؤال ..... ما هو انطباعك عن نتائج مواد التصميم - تقنيات المواد - الوصل - التنظيم؟ هل هي عادله ام ظالمه وما هي ملاحظاتك؟

فى البداية احب ارحب بحضرتك يا دكتور حماد ويكون ليه الشرف ان حضرتك تكون معانا فى المنتدى بتاعى المتواضع ده

ثانيا جميل من حضرتك ان تكون مهتم بمعرفة راى الطلاب فى نتائج الامتحانات
انا هتكلم عن نفسى وانا خريج 2009 اولا بالنسبة لمادة التصميم بفضل من الله انا جبت فيها امتياز هى المادة من المواد الجميلة واللى كنت بحبها فى الثانوى وهى بتعتمد على حل الامثلة الكتير و حضور المحاضرات لان بصراحة ومن غير زعل حضرتك بتقول الاجزاء المهمة فى المحاضرة وده مش بالنسبة للتصميم بس لا بالنسبة لكل المواد ودايما حضرتك بتجيب سؤال فى الميد ترم بيظهر فيه الطلاب اللى بتحضر المحاضرات او لا
ثانيا تقنيات المواد من المواد المحتاجة حفظ كتير انا جبت فيها جيد جدا
ثالثا الوصل انا على مدار السنتين مرة مقبول ومرة جيد مع انى والله بحلها كويس بس مش عارف مليش حظ فيها ليه كده
رابعا التنظيم انا جبت فيها جيد جدا والفضل يرجع بعد الله وحضرتك للمهندس رمضان ربنا يباركله بجد من الشخصيات المحترمة اللى بتخاف ربنا فى شغلها وبتعمله على اكمل وجه