السلام عليكم ورحمة الله وبركاته


الاول ارحب بيكم وبكل الناس الي في المنتدى هنا

الاول انا محمود طالب بكلية التعليم الصناعي جامعة حلوان وبتابع وشغال مع المنتدى هنا المشكله الي تعبانا جدا وهي السنه التكميليه

وخلاص بقول للناس هاااااااااااااااااانت والموضوع علي وشك التنفيذ بنسبه 80%

مش عاوز حد يفرح لسه استنوا واعرفوا ايه الي حصل

قبل اي شيء اقسم بالله العظيم الاخبار ديه علي لسان أ.م.د/ثناء الشاطر ريئس قسم الكهرباء في الكليه عندنا وديه كانت اول محاضره لينا بتاريخ 22/2/2010

اسمعوا بقه ايه الي جرى


بدا وفتحنا الموضوع واتكلمنا علي موضوع التكمله وكده

فاسئلة الدكتوره بقولها حضرتك احنا سمعنا عن اجتماع بين وكلاء الكليات الهندسه في المطريه وحلوان وكليتنا وكده
ردت وقالت ايوه ده حصل وده بشأن مشكلة السنه وكده

قولتها طيب يادكتور حضرتك ايه الي حصل؟

قالت انه الموضوع وصل لرئيس الجامعه وده نتج عنه تشكيل لجنه تقوم بدراسة الموضوع ده والعمل علي انجازه
واللجنه ديه طلبت من الكليه بيان بالمحتوى الدارسي للكليه علي شان يحصل ((مقاصه)) يعني مقارنه بين المنهج ده ومنهج كلية الهندسه ومعرفة الفرق ولازم يكون الماده الي تم دراستها في الكليه تم انجازها بنسبة 80% دراسه والا مش هتتحسب وهيتم اعادة اضافتها للسنه الدراسيه الي هتضاف للكليه

فسألت الدكتوره بقولها حضرتك تم طلب من حضرتك مقصه خاصه بينا ((احنا يعني شعبة كهرباء)) وحضرتك مقدمتيهاش لينا واستزة الالكترونات والتبريد والانتاج بداؤ يقدموا فانفسنا حضرتك تتعوني معانا يعني

ردت وقالت ايوه فعلا ده اتطلب مني بس هما مش هيعملوا بيها هما برده يهتعملوا بالمحتوى الدراسي وديه مش هتفيدهم وانا عارف ان شغلي ده هييجي علي الارض احنا قدمنا المحتوى وكده ومنتظرين الرد منهم

فازميله لينا بتسالها يادكتوره طيب حضرتك متعرفيش تتبعلنا ااخر التطورات في الموضوع ده

قالت هو المسؤل دكتور العدوي وده وكيل كلية الهندسه جامعة حلوان وقالت لو حد نزل الجامعه يعرف مواعيده هناك او ارقام تليفوناته وانا اقدر اتابع لكم معاه

نيجي لاهم حاجه......

بسألها يادكتوره طيب نسبة النجاح للموضوع ده اد ايه وممكن يتم ولا لا؟؟؟؟؟

ردت عليه وقالتلي الموضوع ده بنسبة كبيره اوي هيتم لانه تم في معهد الكفايه وخدوا بكلريوس هندسه وانتوا دراستكم اشد من معهد الكفايه واكتر مطابقه لكلية الهندسه بس هو الاقرب انه هيتم تطبيقه بنظام(creted howers) الساعات المعتمده وده ممكن يكون داخل الجامعه او بره في الجامعات الخاصه لان الجامعات الخاصه بقت كتير اوي وهيعتبروا ده حاجه تشجيعيه وفي نفس الوقت شغل للجامعات الحكوميه

وقالت ان السنه ديه ممكن كون في رينج مش هيزيد عن10 الاف جنيه او اقل ووممكن تكون 5 او 3 الاف جنيه بس مش هتزيد عن كده وهتختلف من مكان للتاني .

من اللحظه ديه اعتبر ان ديه البدايه

مش عاوز حد يفرح دلوقتي نصبر بس والله الموضوع قرب اوووووووووي اووووووووي لدرجه كبيره جدا

لمه سئلتها اللجنه هتاخد اد ايه دراسه قالت انه مش هيزيد عن6 شهور وهتبان رؤية الموضوع والي الغالبيه انه فعلا هيتطبق عليكوا

برده بكرر مش عاوز حد يفرح نهدى شويه الموضوع قرب والله قرب

بقول لمحمود الفرنساوي وسكر والسندباد الناس ديه انا مشوفتهاش بس الناس ديه تعبوا اوي ودول اول ناس هيكون ليهم الفضل بعد ربنا في الموضوع ده

والله الكلام ده مش منقول ولا علي لسان حد ده علي لسااني انا ومن المحضره الاول في الكليه


ويوم السبت انا هروح واعرف مواعيد دكتور العدوي في الجامعه وهنكلم رئيسة القسم تعرف ااخر النتاائج


مش عوزين اعلانات عن معاهد خاصه ولا سفر لغاية مانشوف ايه الدنيا هتمشي ازاي

الدكتوره قالتلي فيه معاهد خاصه فتحت الباب لهدف كسب المال من الطلبه ولكن كلها مش معتمده من المجلس الاعليى للجامعات

وكل شيئ في يد ربنا سبحانه وتعالى وفي يد اللجنه ديه

وعلى فكره اللجنه مشكله بقالها يمكن 3 شهور وده الكلام الي قاله سكر في موضوعه بس موضحشي ده تفسير كلامه كله



هنتابع مع بعض هنا وانا كل يوم وكل الاخبار الجديده هعرفها وهحطها هناااااااااا


والله هاااااااااانت ادعوا بس وربنا هيكرمنا ان شااااااااااااااااااااء الله

اخوكم محمود المهندس