كلمات خطيرة .. لازم نتجنبها .. (متجدد باذن الله)

دى بعض الالفاظ اللى بنقولها فى حياتنا العامة
و بناخد عليها ذنوب من غير مناخد بالنا

و هنا هنحاول نزكر منا ما نستطيع عشان نحاول نبعد عنها قدر المستطاع

و باذن الله هحاول اضيف منها باستمرار قدر المستطاع

(( يدى الحلق للى بلا ودان))

وسبب التحريم ان الكلمه دى معناها انك بتعدل على ربنا فى تقسيم الرزق وده طبعا حرام وكفر بنعمة الله عليك لانك مش راضى بللى ربنا قسمهولك.

((فلان ربنا إفتكره))

وسبب التحريم ان الكلمه دى معناها ان ربنا كان ناسيه ولما إفتكره خده ، بقى ده كلام بزمتك. حرام طبعا لان ربنا ما بينساش حد .

((والنبى ، والكعبه الشريفه ، وحياتى ، والختمه الشريفه ، ورحمة أبويا و امى ............ وماشابه ذلك ))

وسبب التحريم انك بتحلف بغير الله ودى كلمات من الكفر وليعاذ بالله.

طب نعمل ايه وكلمة والنبى فى لسانا عالطول .
لما تقولها قول لا إله إلا الله مباشرة وعود لسانك ان مش تقولها تانى .

((لا حول الله يارب ))

اما دى بقى مصيبه لانك كده بتقول ان ربنا مالوش لاحول ولا قوه ، والكلمه دى بتتقال لما واحد يحصله كارثه او مصيبه او ابتلاء فتلاقى اللى قدامه قال لا حول لله وده طبعا كفر بالله .

اومال تقول ايه ؟؟؟؟؟؟؟؟؟؟

تقول "لاحول ولا قوة الا بالله" او "ياحول الله"

((ده احنا زرنا النبى ))

وسبب التحريم انك بتشبه الضيف اللى زارك بالنبى وده بردو حرام وغلط. هى صحيح زيارة هذا الشخص طيبه وجميله لكن مش لدرجة انك تشبه بالنبى .

((يلعن ابو الزمن اللى ..........))

ودى بردو كلمه مصيبه لانك بتلعن الزمن !!!!!!!!

أوتدرى من هو الزمن (الدهر) ؟؟؟؟؟؟؟؟؟؟؟؟

الزمن هو الله ألم تسمع حديث ابى هريره:

عن أبي هريرة رضي الله عنه قال : قال رسول الله - صلى الله عليه وسلم - :
( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .

ومنها رواية للإمام أحمد : ( لا تسبوا الدهر فإن الله عز وجل قال :
أنا الدهر الأيام والليالي لي أجددها وأبليها وآتي بملوك بعد ملوك ) وصححه الألباني .

جاء الحديث بألفاظ مختلفة منها رواية مسلم : "قال الله عز وجل : يؤذيني ابن آدم يقول :
يا خيبة الدهر ، فلا يقولن أحدكم : يا خيبة الدهر ، فإني أنا الدهر أقلب ليله ونهاره فإذا شئت قبضتهما ".

ولهذا أثبت الله الأذية في القرآن الكريم فقال تعالى :
{إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)،
ونفى عن نفسه أن يضره شيء فقال تعالى : {إنهم لن يضروا الله شيئا }( آل عمران 176) ،
وقال في الحديث القدسي : ( يا عبادي إنكم لن تبلغوا ضري فتضروني ) رواه مسلم .

((الزمن غدار ))

والسبب لنفس السبب السابق .

اتمنى من بى الهداية لى و لكم

فعلا كل ده حرام وكتير مننا بيستخد الكلمات دى فى معظم كلامه
شكرا وجزاكى الله خير

TANTAWY كتب:: فعلا كل ده حرام وكتير مننا بيستخد الكلمات دى فى معظم كلامه
شكرا وجزاكى الله خير

وجزاك الله مثلة
شكرا ليك على مرورك الكريم

جزاك الله خيرا عالتذكير ,,,,
وفي بردوا حاجه سمعتها قريب
لما نيجي ندعي لحد بزيادة الرزق

بننطقها : ربنا يرزئك يافلان ,,,
بالهمزه , ودي معناها ف اللغه العربيه البلاء
يعني انت كدا بتدعيله بالبلاء مش بالرزق [ندعوك للتسجيل في المنتدى أو التعريف بنفسك لمعاينة هذه الصورة]
الصح ننطقها : رزق
الحمد لله ان ربنا بياخد باللي ف قلوبنا مش بألسنتنا

اخوكم : احمد

أحمد مجدي محمد همام كتب:: جزاك الله خيرا عالتذكير ,,,,
وفي بردوا حاجه سمعتها قريب
لما نيجي ندعي لحد بزيادة الرزق

بننطقها : ربنا يرزئك يافلان ,,,
بالهمزه , ودي معناها ف اللغه العربيه البلاء
يعني انت كدا بتدعيله بالبلاء مش بالرزق [ندعوك للتسجيل في المنتدى أو التعريف بنفسك لمعاينة هذه الصورة]
الصح ننطقها : رزق
الحمد لله ان ربنا بياخد باللي ف قلوبنا مش بألسنتنا

اخوكم : احمد

شكرا ليك يا احمد على مرورك الغالى وشكرا ليك على الاضافة
جزاك الله كل خير عاليها
نورت المنتدى بوجود Very Happy