المقاصة وتحضير الماجستير واستمرار الدراسه وعدم غلق الكلية

يوم الأحد القادم 10/10/2010 سيبدأ الساعة 10 صباحاً الأعتصام السلمي داخل كلية التعليم الصناعي بالأميريه وذلك لتحقيق المطالب الأتيه 1- الأنضمام لنقابة المهندسين أو التكنولوجيين
2- الرد السريع في موضوع المقاصه وأن تكون بأقل تكاليف وأقل عدد سنين
3- ضمان أستمرار الكلية وعدم غلقها في بعد 3 سنين من الأن
4- الموافقه على تحضير الماجستير داخل الكلية بالقاهره

يوم الأحد القادم 10/10/2010 سيبدأ الساعة 10 صباحاً الأعتصام السلمي داخل كلية التعليم الصناعي بالأميريه وذلك لتحقيق المطالب الأتيه 1- الأنضمام لنقابة المهندسين أو التكنولوجيين
2- الرد السريع في موضوع المقاصه وأن تكون بأقل تكاليف وأقل عدد سنين
3- ضمان أستمرار الكلية وعدم غلقها في بعد 3 سنين من الأن
4- الموافقه على تحضير الماجستير داخل الكلية بالقاهره
"إسلام طه"]ياريت يا جماعه تيجي تقفوا معانا لأن الموضوع بجد سخن جدا جدا جدا ومحتاجين كل اللى اتخرجوا معانا علشان فيه صحفيين جايين واحتمال كمان يبقي في لقاءات تلفيزيونيه وعايزين حد يتكلم عن كيفية الحصول على شغل بعد الحصول على البكالريوس ولو اي حد عنده استفسار بخصوص اي موضوع من المواضين اللي قولتلها يتصل على******** وياريت تبقوا معانا في الأعتصام يوم الأحد

أعتدر عن الكتابة باللغة العاميه
الــمــقــــاصــــــة
أنا عايز حقي . وأحنا كلنا عايزين حقنا . أرجوك من غير هزار أحسبها صح وكلنا نبقي إيد واحده واللهي لو وقفنا وقولنا لكل المسؤولين في الكلية وفي الجامعة ويلاقوا عددنا كبير أكيد هايبقوا معانا ويساعدونا .
وعلى فكره وافق المجلس الاعلي للجامعات قبل كده علي منح معهد الكفاية الأنتاجية طلبة القسم الهندسي علي الدرسات التكميلية جامعة الزقازيق فى كلية الهندسه يعني إحنا مش أول ناس تطلب بحقها في الموضوع ده .
عايزين نحصل على عمل مقاصه لينا وتكون في أقل عدد سنوات ممكن وكمان مندفعش كتير . أنا بدأت بنفسي ومش لوحدي بس عددنا قليل مع أحترامي لإتحاد الطلبه والأخوان المسلمين بس أنا طالب مش منتمي لأي جروب منهم يمكن لما أنت تحاول وأنا احاول وأتحاد الطلبة والأخوان المسلمين في الكليه يحاولوا معانا أكيد هانوصل وأنا من ناحيتى هاطلب من وكيل الكلية أننا نعمل ندوه ونفهم فيها الخطوات القانونيه اللي ممكن نعملها علشان نبقي ماشيين في الموضوع صح . متكسلش فكر في مستقبلك حتى علشان تبقي قدام نفسك عملت اللي عليك . لازم نعمل حاجه أرجوك أتناقش أنت وصحابك وفكر تقدر تعمل إيه يفيد في المقاصه وأعمله واللي فينا يعرف يوصل الموضوع للإعلام
( صحافه أو تليفزيون ) يتحرك لأننا لو نمنا هنبقي ضيعنا حقنا ومحدش هايدور على حقنا غيرنا ... تفتكر الموضوع مركون ليه !؟ علشان اللي ماشين فيه قليلين وأنا وانت وصحابي وصحابك وشعبتى وشعبتك نبقي كتير أحسبها صح ليه نضيع مننا الفرصه ونسيب حقنا . أيوا ده حقنا والراجل بجد مبيسبش حقه لأننا لو كلنا سكتنا نبقي منستحقش نبقي موجودين هنا أصلاُ متقللش من نفسك ومن صوتك ولما عددنا هيبقي كتير صوتنا ساعتها هيبقي كبير .
أطلب حقك وخليك إيجابي وأحسبها صح .
ده إعلان قد تم إعلانه في الكلية منذ 4 ايام

انت فعلا قولت كلام جميل يا اسلام و ناا بشكرك على الكلام ده
الاجمل منه انعقاد الندوة اللى انت قولت عليها و نعرف اه اللى يتم بخطوات سليمة وقانونية

أولا مش أنا اللي قمت بكتابة الصفحة اللي فيها موضوع المقاصة ( إنعقاد الندوه ) مش بقول كده لأي سبب غير أن فيه حاجات في الورقة انا بالنسبالى مش موافق عليها ولكن تمت فعلا انعقاد الندوة مع دكتور محمود الفرنساوي وكيل الكلية ولم نحصل على رد مقنع من سيادته ولذلك تم التأكيد في الكلية من مصادر من الزملاء على إتمام عملية الأعتصام السلمي فعلياً إن شاء الله وربنا يوفق وياريت الناس تيجي علشان بجد محتاجين كل إنسان اتخرج من الكلية يقف معانا علشان نبقي كلنا والموضوع يبقي في وضع أهتمام أكبر

بسم الله الرحمن الرحيم
مبدئياً السلام عليكم جميعا
انا حسام أحد الخريجين للعام 2008/2009 شعبة الإنــــتاج وانا على استعداد تام للخوض فى هذا الموضوع معاكم بس عايزين معلومات صحيحة ومؤكده لان انا واحد من الناس عايش حاليا فى مطروح فمينفعش انى يكون عندى معلومات خطا عن اعتصام او ما شابه عشان صعب جدا انى انزل القاهرة ليكم وفى النهاية الاقى ان المعلومات دى مش صحيحة فانا ارجوكم اللى عنده معلومات مؤكده يبلغنى بيها وانا والله مش هتأخر لان ده فى مصلحتنا كلنا والله وانا والله نفسى ربنا يوفقنا كلنا فى مشوار المعادلة بالهندسة لان الواحد والله لما خرج لسوق العمل لقى ان الوضع مختلف تماما بمعنى صريح وانا أسف انى بقول كده ان كليتنا بره يعتبر ملهاش لزمة بره الا فى مجال التدريس وانا واحد من الناس معنديش رغبة فى التدريس وده مش لان الموضوع صعب عليه ولكن انا بميل جدا للحاجات العملية وشغل الشركات معندهاش الا خيارين للعمل هما(إما فنى أو مهندس) وإحنا بكليتنا مش أى حاجة فيهم إحنا حاجة بين الاثنين
لا مننا فنى ولا مننا مهندسين إحنا بصراحة مش عارفين إحنا ايه لكن اتمنى ان المشوار ده يتم فى اسرع وقت ممكن والله ولى التوفيق وده ايميلى وانا فى انتظاركم جميعا عشان نبقى يد واحدة tiger_4ever44@yahoo.com
انا فى انتظار اضافة أى من خريجى التعليم الصناعى عشان نتواصل بصورة مباشرة.
وشكراً للجميع.