كليتنا ,,, هدفنا ,,, حياتنا ,,,

السلام عليكم ورحمة الله
تعليق علي جزئية معينه لاحظتها ف معظم منتدياتنا ( بني سويف - السويس - حلوان ,,,,,,
موضوع بقي فيه لت وعجن كتير اوي ,,,
انا عايز اقول رايي بس ف الفكره ككل
احنا يا جدعان لو داخلين الكليه دي عشان شهاده يبقي بنظلم نفسنا والله
الهدف من اي كليه ايا كان اسمها و مكانتها , رفع مستوانا كبني ادمين فكريا و ادميا و اجتماعيا
دي فرصه جت لكل واحد مننا انه يبقي بني ادم ويبقي حاجه , مش لازم باسم الشهاده ولا اسم الكليه ولا مكانة الكليه ,,,
دلوقتي زي ماكلنا عارفين لا بتاع الهندسه لاقي شغل ولا بتاع طب لاقي شغل
يبقي الموضوع مش متوقف علي اسم كلية ولا شهاده
الموضوع متوقف عليك انت وعلي اللي بتستفاده من الفتره دي
كفاية
ان واحد مننا اما ياخد رياضه او فيزيا ومخه يشتغل ويتفتح لحل مشاكل حياته
صح , مش مجرد مادتين بناخدهم والسلام ولا شهاده بتتاخد وتتعلق
اللي عايز يستفاد بكليته دي صح ميقولش انا لازم اشتغل بقسمي وانا لازم يكون ليا اسم او او او
اشتغل يا سيدي اي شغلانه ف الدنيا و هتقدر لو فكرت تدمج وتوفق بينها وبين العلم اللي بتاخده ف الكليه
لو بتشتغل لمؤاخذه ف الكلمه يعني سباك او نقاش او كهربائي هتقدر تستفاد باللي بتاخده فيها دا فعلا , وعن تجربه شخصيه ....
هتقولولي احنا لينا مستوي ومنقبلش بتلقيبنا فنيين و و و
طب ايه المشكله اما تشتغل دلوقت يا سيدي فني وتاخد خبره و تبدا حياتك ؟؟؟
انتوا متخيلين يعني ان ربنا هيضيع تعب حد مننا ف الاربع سنين دول ؟؟
اكيد ربنا هيكرمك باحسن منها بميت مره بس اعمل واشتغل وابدا ,,,
هتقولي
منا كدا بنزل من سمعة كليتي وبهينها لقبولي بحاجه بالاسم والشكل دا ,
هقولكم وهيا من امتي كان ليها اسم او مكانه او مستوي ؟؟؟؟
احنا فعلا لو عايزين يبقي ليها اسم ومستوي نثبت للناس وللمصانع ان هيا كدا فعلا , بمجهودنا ف شغل زي دا ايا كان وضه
سمعت
انا من دكتور نجيب اول السنادي كلام عن انه بيبعت ناس للمصانع وكدا وان
معظم المصانع اللي بعتلهم اعجبوا بطالب التعليم الصناعي عن هندسه واشادو
بيه ؟؟؟
طيب احنا ليه نستني دكتور نجيب يودينا
ليه منشاركش احنا ونتعب وننطحن هنا وهنا لحد مايظهر اسمنا ويشار الينا لتفوقنا ف شغلنا حتي لو كنا فنيين
عارفين ساعتها لما يحصل كدا ممكن نقول ساعتها اننا ناخد موقف ويبقي لينا مكانه
لاننا احدثنا تغيير واظهرنا تفوقنا فعليا وعمليا
مش كلام ف كلام ف كلام واحنا ومش احنا و دراستنا وموادنا والحكايه والروايه ...
الخلاصه من الكلام دا كله شوفو الراجل الي كان كاتب موضوع بتاع اسم الكلية اللي هيتعمل فيها المعادله
الراجل دا اشتغل هنا وهنا وسافر و عمل , يعني مقعدش جنب الحاجه ف البيت ومشتغلش ,,
لسبب واحد بس , انه عنده حتت العناد وجريانه ورا حقه , ودا اللي وصله للي هوا فيه ....
عشان كدا شدوا حيلكم الاول وخلصوها و بعدين ربنا يكرم ونعمل اللي نفسنا نعمل فيه ,,,,
مش معني كدا اني رافض او بنتقد لاي حاجه نعملها للكليه دلوقتي او بعدين
لكن الفكره اننا هدفنا يتحدد و منشغلش نفسنا ونحبط نفسنا من دلوقت ......
ربنا مع الكل