هل تتزوج فتاة تشارك بالمنتديات أم لا..

السلام عليكم ورحمة الله وبركاته

موضوع للنقاش نقلته لكم

بصراحة موضوع أذهلني جداً

ما كنت أعرف إن كتابة البنت في المنتديات

حتى لو كانت كتاباتها محترمة ومفيدة

جريمة يعاقب عليها المجتمع

لا أريد أن أطيل عليكم

هذه قضية رأيتها في أحد المواقع واستغربت كثيراً عندما قراتها

وأحببت اسمع آرائكم حول هذه القضية

جاءت إليها أمها ووجها يتهلل فرحا وقالت :

بنيتي لقد جاء فلان وابنه لخطبتك

ألجم الفرح الفتاة أخرس لسانها ونطقت عيناها ببريق السرور والأمل :

الآن سيتحقق حلمي أبني بيتا من السعادة وأربي جيلاً يكون قطعة ً مني

أربيه على ناظري يكون عونا لي في الدنيا وذخرا لي في الآخرة

لم تنم تلك الليلة فهي لاتحتاج النوم بعد أن تحولت أحلام نومها

الى حقائق تداعب يقضتها.........................

وافق ابوها على الخطبة وتمت الرؤيه الشرعية

سُرّ بها العريس وسرت به

وابتدأ الجميع يوزعون رقاع الدعوة ليلة الفرح الموعودة

ذهب العريس إلى عمله أخبر بعض أصحابه بأنه سيتزوج ابنة فلان

بارك له الجميع

وفي اليوم التالي قابلهُ أحد زملائه وقال له :

الله الله أنت إذن ستتزوج الكاتبة الفلانيه

التي تكتب في المنتدى الفلاني نظر العريس إلى زميله متعجباً

عن من تتحدث وماهذا الكلام؟؟؟؟؟؟؟

قال : زميله خطيبتك كاتبه في المنتدى الفلاني بالاسم الفلاني ؟

قال : وما أدراك ومن أعلمك ؟

قال : أختي تعرفها وأسرت لها بذلك ؟

وهي تكتب باسم مستعار (( .............))

أتريد أن ندخل الى المنتدى لنشاهد مواضيع خطيبتك ؟

قال : العريس وهو يتصبب عرقاً ولما لا ؟

فتح الزميل المنتدى استخرج بالبحث جميع مواضيعها

ثم بدأ الاثنان في التصفح

فها هي ترد على فلان وتشكر فلان وتتناقش مع فلان

وتضحك من طرفة فلان

وهذا فلان يمدح ما تكتب ويثني على ماتقدم

وهي ترد عليه بالثناء والشكر

احمرَّ وجه الخطيب وخرج من المكتب

واتصل ببيت خطيبته

وقال لامها :

هل تسمحين لي أن أكلم خطيبتي قالت : امها لامانع

أخذت البنت الهاتف

وقلبها يخفق ويداها ترتجفان تخشى من سماع الكلام المعسول

أو أن لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد :

هل أنتِ الكاتبة الفلانية في المنتدى الفلاني ؟؟؟؟؟؟؟

قالت : نعم أنا هي

قاطع حديثها وقال آسف أنا لا أتزوج فتاة انتر نت

وسكر السماعة

هل تقبل الزواج من فتاة تكتب بالمنتديات...؟؟؟

هل الانترنت حكرا على الرجال فقط دون النساء ؟؟؟؟

ارجوا من الجميع المشاركه والاجابه على السؤال حسب رايك الشخصي ,,,

مش عارف الناس مكبرة الموضوع قوى ليه كده
انا اعرف بنات مشتركة بمنتديات وبنات عمله منتديات واقسم بالله العظيم من اكتر البنات اللى ممكن تقابلهم احترامنا وزوق واداب
بلاش نكبر الموضوع قوى كده تقبلى مرورى يا شوشو

kiko كتب:: مش عارف الناس مكبرة الموضوع قوى ليه كده
انا اعرف بنات مشتركة بمنتديات وبنات عمله منتديات واقسم بالله العظيم من اكتر البنات اللى ممكن تقابلهم احترامنا وزوق واداب
بلاش نكبر الموضوع قوى كده تقبلى مرورى يا شوشو

ميرسى على مرورك يا كيكو
وبجد كويس ان دة رايك علشان انا لقيت ردود بجد اذهلتنى واستغربت ان فية حد لسة بيفكر بالطريقة دى
ومش حكايت الموضوع كبير او صغير انا بس حبيت اعرف اراء الاعضاء
ميرسى ليك على ردك

طبعا اللى بيفكر كده ده انسان متخلف المنتدى ده مكان لتلقى معلومة او خبرة بننقلها من بعض ده غير ان كتير من فئة الشباب مش بيحب يقراء جرايد فعن طريق المنتدى بيقرى ويشوف فهو حاجه مش عيب ومش حرام علشان نفكر كده وكمان البنت لو عايزة تعمل حاجه مش كويسه هتعملها حتى ولو اتحطت فى قلعة وعليها حراس ده يا جماعه بترجع لتربيه البنت نفسها

المنتدي وسيله للنقاش الجاد و انا في نظري بعتبره ملتقي للثقافات فاللي يفكر مره ان بنت بتشارك بمنتدي انها مش كويسه يبقي برضه الشباب هيكونو مش كويسيين لكن اللي يفكر للحظه بس ان البنت اللي بتشارك في المنتدي انها مش كويسه يبقي اكيد انسان متخلف ومعندوش فكريؤهله للتعايش مع الحياه
شـــــــــكرا جزيلا شوشو علي موضوعك

MAM9وsherif meto
ميرسى ليكو بجد على كلامكو
وبجد اسعدنى جدا ان دة رايكو
وفى حاجة ان الانسان لما بيجى يختار شريكة حياتة بيختارها علشان هية كويسة ومحترمة واثقة فيها انها هتصونة فى غيابة ووجودة لو مش واثقة فيها مش كان اختارها مش هتفرق بقى كانت بتدخل منتدى او مش بتدخل
شكرا ليكو نورتو الموضوع

هوا الموضوع فعلا حساس جدا ,,,
بالنسبه لردودكم بنعت الموضوع بالتخلف او الرجعيه ,, انا شايف يا جماعه انكم سبقتم الأحداث كتير ,,
يعني مثلا ,
لو توقعنا ان رد من الردود دي رد بالرجوع للدين هنقول ان الرد فيه شيء من التشدد شوية
لاني شايف ان المنتدي عبارة عن جريده ,, انا بكتب رايي كريم بيكتب رايه غيره بيكتب رايه
وقدامنا كلنا ,, يعني مش هيكون في اي نوع من انواع تعدي الحدود مع الجنس الأخر

ثانيا , لو توقعنا ان رد من الردود دي اجتماعي شوية
هنقول ان مش كل المنتديات بتلتزم بالحدود المعروفه لينا كشباب محترمين
يعني بدون ذكر اسماء مواقع او منتديات
في منتديات كتير صادفتني النقاش فيها خارج عن الحدود دي بطريقه مستفزه ,, مش بالدخول لكلام او مواضيع مش كويسه ,,
لا ,, الجراءه ف حد ذاتها ف الرد و النقاش بين الولد والبنت زياده عن حدها جدا ....
يعني
مش كل المنتديات نقدر نقيس اجازة وجود ونقاش البنت فيها ولا لا ,, حسب كل منتدي وحسب كل بنت وتربيتها ,,, وغير دا كله ممكن هيا حتي لو كويسه تاخد برأي واحد من النت ميعرفش الالف من كوز الدره و بالرأي دا يتغير جزء او طبع من طباعها !!! بسبب ايه ؟؟؟ نقاش بالمنتدي !!!

رأيي انا بصراحه ممكن تقولوا عليه منحاز لطرف من الاطراف دي شوية
لكن انا لو فكرت ف واحده اكيد هحب اني اكون اول عقل او فكر يناقشها ويعرف افكارها
والبنت بالمثل يا جماعه ,, اكيد كل بنت تحب ان الشاب اللي ترتبط بيه تكون هيا اول واحده تتلاقي بيه فكريا و ثقافيا ,,,,

وبصراحه بقي يا جماعه البت هتتعلم اللماضه من كتر النقاش ف المنتديات ,, ومش هعرف اتلامض معاها او اقنعها براي خالص