منتديات شباب تعليم صناعى
عزيزى الزائر انت غير مسجل لدينا
لمتابعة جميع المواضيع والاقسام المختفية ومشاهدة بث مباشر للافلام العربية والاجنبية
يجب التسجيل أولا

منتديات شباب تعليم صناعى

كلية التعليم الصناعى
 
البوابةالرئيسيةمكتبة الصورالتسجيلدخول

شاطر | 
 

 يوميات شاب من الصعيد وفتاه من القاهره في الجامعه 00

اذهب الى الأسفل 
كاتب الموضوعرسالة
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: يوميات شاب من الصعيد وفتاه من القاهره في الجامعه 00   الأربعاء فبراير 25, 2009 10:00 pm

انا كنت قريت اليوميات دي من حوالي سنتين كده فعجبتني وسيفتها عندي

لما لقيتها انهارده قلت اجيبهالكو

المهم عشان منطولش

هي عباره عن حكايه بين شاب اسمه احمد من الصعيد وبنت (فافي) اسمها نور من القاهره
وهيا قصه كوميدي
اسيبكو بقا مع اول حلقه

الحلقة الاولى

احمد : لو سمحتي حضرتك...ممكن براية

نور: ههههههههههههههههههههههههههه

احمد : حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد "بصوت عالى" : حد معاااااااه براااااااااية....او قلم زيااااااادة..ردوا

نور : انت اكيد مجنون وطي صوتك الطلبة كلها بتضحك عليك

احمد : ويضحكوا ليه ولاد الدزمة دووووووووول

نور : خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة



(اثناء ما المحاضرة شغالة ونور شغالة كتابة واحمد هيموت عشان مش معاه قلم)



احمد : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك



( نور عشان رقيقة سكتت ومش عرفت ترد على احمد بحاجه وانتهت المحاضرة )



اثناء خروج الطلبة من المدرج...احمد حب يستظرف بس بطريقة غبية شوية


احمد وسط حشد من الطلبة بنات وولاد وكأنهم قطيع من المواشي


هررررررررررررررررررر...وضحكته سمعت كل اللي ماشي



(نور بتحكي مع زميلتها من كلية تانية على احمد )



نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور : يا ستي سيبك

هالة : على رأيك



خلص اول يوم في الجامعة وقبل النهاية بدقايق


احمد : يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد : ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد : هههههههههههههههههه اصور ايه بخطك الزفت ده..شوفي ...زفت

نور : حقيقي انا غلطانة وكلام هالة باين عليه صح...بعد اذنك..اوف


سابته ومشيت .....


احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

اشوفكو الحلقه اللي جايه

sherifoo Laughing
الرجوع الى أعلى الصفحة اذهب الى الأسفل
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الأربعاء فبراير 25, 2009 10:03 pm

[b]الحلقة التانيه


"واليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها"
" تعالوانشوف الايام والحياة الجامعية هتعمل ايه في احمد وهيتعامل معاها ازاي"
"كان
ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي


احمد: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

احمد: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

احمد:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

احمد : يا ابن الدزمة انت هتضيع عليا المحاضرة شكلك

احمد: اما اروح اجيب كوباية شاي سخن مولع

الراجل: تؤمر بأيه يا فندم

احمد : شاي خمسينة بنعناع

الراجل: ايه ايه...مفيش نعناع

احمد: ومفيش نعناع ليه

الراجل : هو كده مفيش نعناع على الشاي ..النعناع لوحده

احمد :طيب هات نص كوباية شاي ونص كوباية نعناع

الراجل: خد فلوسك اهي

احمد:طب والشاي ابو نعناع فين

الراجل:اوووف

احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...

ونجح انه يجيب المرة دي ..دخل المدرج

وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو



احمد : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

احمد:هي دي طريجتي..عاجبك ولا مش عاجبك

نور:طيب انا مش هقوم

احمد: هروح للعميد يجي يقومك

نور:ههههههههههههههههههه

احمد:بتضحكي على ايه يا باردة

نور: لم نفسك

احمد: شايفاني مبعتر في الارض ولا اييييييييه

نور: مش هتحضر...هههههههههههههه

احمد :عليا الطلاج لأحضر غصب عنك وعن عين الدك....

وفجأة سمع صوت الدكتور بيناديله !!!!!!!!!!!!!!
[/b]



الرجوع الى أعلى الصفحة اذهب الى الأسفل
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الأربعاء فبراير 25, 2009 10:09 pm

[b][b]الحلقه الثالثه



وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور :مالك ياابنى مكشر من اول السنه ليه كده

احمد:لو سمحت معاك نمرة ماحمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد:هجول بت وستين بت كمان قومي يلا

الدكتور : بس بقى اخرس شوية يا اماهطردك

احمد : انا ...تطردني ليييييييه هاتلي مكان سعادتك

الدكتور: تعالى اعد جنبي هنا على الكرسي ده

احمد : وااه...اجعد جنبك مرة واحدة ياداكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه


الدكتور : اطلع برا يلا..مش هتخضر المحاضرة

احمد : ابوس ايدك يا بيه انا امبارح مكتبتش والنهارده محضرش..مين يرضى بكده يا ناس

وهو خارج رمى عينه على نور ولمح فيها نظره عطف جميله

بعد ما المحاضرة انتهت...نور خرجت لأحمد


نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد: متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيب اوى....الخط مش كل حاجة في الانسان يعني

احمد لمح نور وهي جايةوبتبتسم بخجل

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمه دى

نور قرت الكلمة

نور : اوكي كمل انا هستناك

احمد :لا لا انتي لازم تروحى دلوقتى عشان انتى اتاخرتى خالص

نور : طيب والمحاضرة

احمد : تتحرج المحاضره

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحدالباب...والله لحد الباب بس

نور : اوكي اوكي مفيهاش حاجة اتفضل

احمد : انتي فى الجامعة هنا من امتى

نور :ايه يا احمد انا في سنك لسة اول سنة

احمد : اناعارف انا عارف

احمد : وياترى دخلتي هنا واسطة ولا ايه

نور: هههههههههههههههههه ...احمد مالك في ايه

احمد : لا بهرج معاكي

نور : تعرف انك.....

احمد :اني ايه؟

نور : طيب اوووي

احمد : وانتي انسانة محترمة اه فعلا محترمه بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة
فييييييييييييييييين

المحاضرة

المحاضرة

المحاضرة


[/b][/b]
الرجوع الى أعلى الصفحة اذهب الى الأسفل
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الأربعاء فبراير 25, 2009 10:12 pm

الحلقة الرابعه

احمد مأجر شقة مفروشة وساكن فيها فترة الدراسة ....

ظبط المنبه بتاعه على ميعاد الجماعة

جرس الباب بيرن ... بيرن ... خبط جامد .... احمد قام مخضوض وبيفتح الباب وووفجأة

هاي .. انا جارتك اللي ساكنة قصادك

احمد : طيب وانا اعمل ايه يعني جارتي ولا مش جارتي

تؤ ... طيب قول صباح الخير .. قول صباح النور .. قول صباح اللي بتغني

احمد : يا فتاح يا عليم يا رزاق يا كريم ... يادي النيلة .. انتي عاوزة ايه مني دلوقتي

انا ؟ ؟

احمد : امال امي

تؤ تؤ انت عصبي كده ليه ... كل شئ بالتفاهم وبالهدوء ... اعملك نسكافيه يهدي اعصابك

احمد : متشكر يا ستي متشكر خالص انا ... عاوزة ايه مني على الصبح كده انا ورايا جامعة

ايه ده .. انت بتروح الجامعة ... انا بفتكرك في المدرسة

احمد : صبرني يارب صبرني ... جولي عاوزة ايه هتأخر على الجماعة

عندك حبة شطة

احمد : هاا ... جلتي عاوزة ايه

شطة شطة .... اللي بتخلي الاكل يوحوح

احمد : لا انا مش بحب اوحوح عن اذنك ... وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا

رد شاب ستايل ... ههههههههه ايه اخينا دي دي كلمة قديمة موت

احمد : ماشي يا عم الجديد .... بكام الاجرة

الكمثري : بجنيه وبريزة يا كابتن

احمد : اشمعنى وبريزة

الكمثري : حكومة تقدر تتكلم

احمد : خد يا عم ونزلني عند الباب الرئيسي

احمد داااااااااخل بيجرررري .... وهووووووب ... خبط في بنت وقع عليها العصير

انت غبي ... انت مبتشوفش

احمد : هشششششششششش

انت قليل الادب مش محترم كمان

احمد : هسسسسسسسسسس

احمد : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه

احمد : ابعدي انتي يا نور ده تار قديم وهيخلص النهاردة

نور : احمد دي جامعة انت ممكن تتفصل

احمد : ومحضرش محاضرات تاني ؟

نور : ايوة ايوة انا هروح انده الامن

احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم

مع انه كان ادها وادود يعني بس خاف طبعا على مستقبله

احمد : متشكر يا نور جوي

نور : ده اقل واجب يعني

احمد : انتي عملتي الواجب صح

نور : واجب ايه يا احمد هو احنا في مدرسة

احمد : ههههههههههه اصلها فاكراني في المدرسة

نور : هي مين دي

احمد : اللي عاوزة الشطة

نور : انا مش فاهمة حاجة يا احمد

احمد : انتي بتحبي توحوحي

نور : هههههههههههههههههههه

احمد : هههههههههههههههههههه

نور : تعرف يا احمد ان دمك خفيف اوي

احمد : ربنا يخليكي انا مش بجدر على الكلام ده

نور : هو انا قلت حاجة يا احمد

احمد : ايوة دمي خفيف وحلو ومسمسم والكلام الكابير ده

نور : ههههههههههههههههههههههه

احمد : بتضحكي على ايه عاد

نور : ههههههههههههههههههههههه

احمد : يوه يوه يوه

نور : المحضارة هتبتدي يا احمد يلا نحضر

احمد : ماتيجي نتمشى شوية في الحديقة وبلاش المحاضرة

نور : بجد ... طيب يلا

احمد : ال حديقة ال .... يلا يا هانم نلحج المحاضرة انا حاجزلك جنبي

احمد دخل لقى اتنين اعدين مكانه هو ونور

يا تري هيعمل ايه؟؟؟

نكمل بعدين 00
تحياتي
sherifoo Laughing

الرجوع الى أعلى الصفحة اذهب الى الأسفل
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الجمعة أبريل 10, 2009 2:52 am

هو محدش قال ارائه علي الحكايه دي ليه ؟ Question affraid
الرجوع الى أعلى الصفحة اذهب الى الأسفل
الشريف المصري
تعليم صناعى ضعيف


عدد الرسائل : 3
العمر : 33
قسمك أيه : ميكانيكا_انتاج
نقاط : 17738
تاريخ التسجيل : 02/03/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الثلاثاء أبريل 21, 2009 10:52 am

Laughing
الرجوع الى أعلى الصفحة اذهب الى الأسفل
الشريف المصري
تعليم صناعى ضعيف


عدد الرسائل : 3
العمر : 33
قسمك أيه : ميكانيكا_انتاج
نقاط : 17738
تاريخ التسجيل : 02/03/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الثلاثاء أبريل 21, 2009 11:31 am

[b][b][b]علي العموم شكرا علي السيناريو ده بس احب اسالك انت زرت الصعيد قبل كده لاننا بنتعامل مع ارقي واشيك ناس لاننا بلد سياحية وزا كنا وطبعا مش الكل نرفض العلاقات النسائية لاننا نخضع لقوانين العائلة الصارمة واللي فيها كلمة كبير العيله مرسوم ملكي غير قابل للنقاش واننا بنرتبط من العيلة وده مش معناه اننا خام بي احنا عارفين نهاية المطاف وازا كان مفهوم ستايل عندكم انة يعمل سعره سبايكي او فيرزاتشي وانه يشتغل دي ويجري ورا التانية احب اضيف اننا هنا رجالة ولابد ان يشيل حمل العيلة لاننا هنا الكامة ليها معني كبير جدا لان ممكن تطير رقاب بسببهاواصغر طفل معاه جرانوف وده رشاش يحمل 130طلقة واننا اصحاب مبادىء حتي في اخز الثار مابنضربش الا ازا كان وجه لوجه ومبنضربش الا بعد منناديه باسمه حتي يلتفت الينا 0واخيرا الاول دفعة 2007 بني سويف عبد الناصر مغربي من قنا واحب انك تزور الصعيد لاني من اسوان واحب انك تشرفني علشان تشوف الصعيد من الجانب السياحي والجمالي والصعيد باخلاقياته ومبادئه واتمني اننا نكون اصحاب يامانIHOPE YOU ACCEPTE MY INVITION TO VISITE ASWAN[/b][/b][/b]
الرجوع الى أعلى الصفحة اذهب الى الأسفل
sherif meto
طاقم الاشراف
طاقم الاشراف
avatar

ذكر
عدد الرسائل : 197
العمر : 31
قسمك أيه : الكترونيات
نقاط : 17819
تاريخ التسجيل : 16/02/2009

مُساهمةموضوع: رد: يوميات شاب من الصعيد وفتاه من القاهره في الجامعه 00   الثلاثاء أبريل 21, 2009 11:59 pm

اخي وصديقي شريف باشا اولا شرف ليا كبير ان يكون اسمك علي اسمي
ثانيا شيفو متاخدش كلامي بالجانب الاستهزائي علي حد لكن خده بالجانب الفكاهي والطرائفي
ثالثا الصعيد معروف بجمال شمسه وروعة طبيعته وعمري في مره مهكون ضده لان كلنا في الاول والاخر ابناء مصر صعيد وبحري
رابعا ودا الاهم اكيد اني اتشرف اننا نكون اصدقاء لاننا بالفعل بقينا اصدقاء يا برنس
وشكــــــــرا شيفو علي مرورك وردك الرائع
Smile
الرجوع الى أعلى الصفحة اذهب الى الأسفل
 
يوميات شاب من الصعيد وفتاه من القاهره في الجامعه 00
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب تعليم صناعى  :: القسم الادبى :: منتدى القصص والروايات-
انتقل الى: